Iraq-a innek buainaah mi 31 an thi

Thawhlehni khan Iraq chhim lama khawpui thianghlim Karbala hmunah, Shiite Muslim Ashura lawmtura kalkhawmte kalna kawng a chim vangin mipui hlau tlanchhiate chu nasa takin an innek buai a, hriat theih chinah mi 31 an thi a, mi 102 chuang an hliam.

Iraq Health Ministry chuan thi zat hi an la punchhoh a rin­awm thu sawi­in, mi 9-te chu an dinhmun a ṭhat loh viau thu an sawi bawk. Health Ministry thupuangtu chuan mi 30 a hmuna an thih thu sawiin, damdawi-inah mi 1 a boral thu a sawi bawk.

Innekbuaina hi Ashura lawm­na hun tawp lama thleng a ni. Mipuite chu an sakhaw hmun serh pana an tlankhawm laiin an innekbuai a ni. Iraq prime minister Adil Abdul-Mahdi chuan mitthi chhungte chu a tawrhpui thu a sawi a, Iraq health minister Majeed Hamad Ameen chuan inhliamte hi damdawi-inah a tlawh nghal bawk.