Ghanaian 16%-in tui thianghlim in tur nei lo

Ghanaian non-governmental or­ganization chuan thuchuah siamin Ghana mipui 16% zet chuan tui thianghlim in tur an nei lo tih an tarlang.

Coalition of NGOs in Water, Sanitation (CONIWAS) chuan Ghana-a school 50% zet chuan tui kham khawp an neih loh thu leh, heng zingah 30% hi chuan toilet pawh an neih loh thu an tarlang a ni.

CONIWAS executive secretary Basilia Nanbign chuan hmeichhiate chu an thlatin period hunlai phei chuan school-ah toilet an neih bawk si loh avangin class an kal lo ṭhin tih a sawi.

Thawhlehni khan Ghana hian national clean-water forum hun an buatsaih a, he hun buatsaihtute hian sorkar chu tui thianghlim in tur tam zawk neihna kawnga hma la turin an nawr a ni.