US-in TTP hotu firfiakah a puang

United States chuan Tehreek-e-Taliban Pakistan (TTP) hotu Noor Wali Mehsud chu firfiakah a puang a, a hrekna tur a siam zui nghal. 

US Department of State chuan Mehsudh chu 'Specially Designated Global Terrorist'-ah  puan a nih thu a sawi. Mehsud hian TTP hotu, Mullah Fazullah a thih hnuah kum 2018, June thla aṭang khan TTP hotu hna hi a chelh ṭan a ni. Mehsud kaihhruaina hnuaiah TTP hian Pakistan ram chhung hmun hrang hrangah pawikhawihna an thlen a ni. 

Kum 2007-a din, TTP hi Pakistan ram chhunga Islam firfiak pawl hlauhawm ber zinga mi a ni a, kum 12 kal ta chhung khan Pakistan rama firfiaka chetna 1,400 chuangah an inhnamhnawih a ni. Mehsud-a kaihhruaina hnuaiah a hma aiin an che nain an hlauhawm zawk nia sawi a ni bawk. 

Global Terrorist-a puan a nih avangin US chuan a ram chhunga Mehsud leh a kaihhruai pawl thil neihte chu khawih chek theih lohin a hreksak a, amah nena inzawmna nei mimal leh pawl lakah pawh hrekna a siam zui thei dawn bawk a ni.