US-ah NKorea official zin

North Korea senior official leh intelligence chief hlui, Kim Yong-chol chu  Ningani khan US-ah a zin. Kim hian an ram hotu, Kim Jong-un an US President Donald Trump hnena lehkha a thawn pawh a kensak nghal a ni. 

Kim hian nimin khan US Secretary of State Mike Pompoe a hmu a, official dangte pawh a hmu dawn bawk nia sawi a ni. Nikum  khan Kim hian US hi a lo tlawh tawh a, hemi ṭum pawh hian Kim Jong-un-an President Trump  lehkha a thawn chu a lo keng tawh bawk a ni. 

Ram pahnih hruaitu, Kim Jong-un leh Donald Trump-te summit vawi hnihna neih tur buaipui mek a ni a, Vietnam ram khawpuiah summit hi neih tura ruahman nia sawi a ni. US-a Kim cham chhung hian summit neih leh tur pawh hi an sawifel rin a ni bawk.