Bangladesh PM-in Rohingya hruaikir Hlawhchham chhanah Myanmar a puh

Bangladesh prime minis-ter Sheikh Hasina chuan an rama awm mek, Rohingya Muslim raltlante Myanmar rama hruaikir tumna a hlawhchham chhanah Myan­mar sorkar a puh. 

Sheikh Hasina chuan Myanmar sorkar chu Ro­hingya-ten an rin ngam a, an rama an kir leh ngam theihna tura hma la tawk lohah a puh. "Myanmar sorkar chuan Rohigya-ten Myanmar rama kir leh an duhna turin boruak ṭha a siam thei lo a ni," tiin Parliament inkhawmah a sawi. 

Rohingya-te hruaikirna tur hian Bangladesh sorkar chu a theih angin a inbuatsaih a, mahse tun thlengin hruaikir an la ni thei lo. Rohingya-te hian an awmna ngaia kir a, an in leh ram an neih leh dan turahte an ngaih a la ngam thei lo a ni, " a ti. Hasina chuan Asia ram dang, China, India leh Japan-te pawh he buaina chinfel pui tur hian a sawm tih a sawilang bawk. 

Myanmar sorkar chuan Rohingya raltlante hruaikir hi tum mah se, khua leh tui dik tak angin ala ngai chuang lo. Kum rei tak chhung Myanmar ramah an cheng tawh chungin, official-in minority group anga pawm an la ni lo.