Britain Prime Minister-in 'The Incredible Hulk' nen inkhaikhin

Britain prime minister Boris Johnson chuan House of Commons-in European Union aṭanga Britain inlakchhuah hun tur tihkhawtlaisak a tum chungchang a sawinaah, 'The Incredible Hulk' anga inkhaikhinin, eng kawng pawhin EU chu an chhuahsan dawn tih a sawi. 

Boris Johnson chuan, 'Hulk chu a thinrim zawh poh leh a chak a ni mai' tia sawiin, EU aṭanga inlakchhuahna tur inremna siam kawnga inbiakna chu a hlawhchham a nih pawhin, Brexit chu tih­khawtlai a ni lo ang, a ti. 

Johnson chuan EU nen inremna siam thei lo mah se, Parliament-in Brexit deadline, October 31 chu kum 2020, January 31-a sawn hla tura ngen tura thupek a siam chu a zawm dawn lo tih a sawi bawk. Brexit tihkhawtlai leh ai chuan a thi zawk mai ang tiin a hma pawhin a lo sawi tawh a ni.