Typhoon Faxai vangin in 80,000 velin Power supply an la nei lo

September 9 aṭang khan Japan-ah thlipui na tak "Typhoon Faxai" chu a tleh ṭan a, thlipui tleh vang hian tun thlengin in 80,000 bawr velin power supply an la nei lo. 

Thlipui tlehin chhiatna a thlenah mi pahnihin nunna an chan a, heatstroke vangin mi pathumin nunna an chan bawk. Typhoon Faxai chuan Japan khawpui Tokyo chu 210km/h (130mph)-a nain a nuai a, Japan chhim lama Chiba khuaa chhenna in 78,700 chuang zetin power an nei loh thu Tokyo Electric Co.(TEPCO) thupuangtu Naoya Kondo chuan a sawi. 

He thlipui vang hian Japan-ah thlawhtheihna pawh 130 chuang cancel a ni. Rel station-te chu darkar eng emaw zat khar a ni bawk. Tui tih thianghlimna khawlin power supply a neih loh avangin chhungkaw 16,700 velin tui thianghlim in tur an nei lo. 

Sipaite chuan ṭanpui hna an thawk a, national weather agency chuan nimin khan Chiba khuaa ruah leh thil a la thawh nasat dawn avangin inralring turin an hriattir.