Venezuala sorkar leh eptu pawlte an inbia

Venezuala sorkar leh eptu pawl palite chuan Thawhṭanni khan inbiakna neiin inremna an ziak.

Sorkar lai Socialist party leh eptu pawl palite hian National Assembly-a pro-government deputy-te re-incorporate an remti tih Venezuelan Minister of Communication and Information Jorge Rodriguez chuan a sawi.

National electoral council thar siama, vote thlak danah pawh electoral guarantee dah­tel an remti tih a sawi bawk. Dan kengkawhtu lam pawhin an case a zirin oppo­sition activist, jail-a tangte chu chhuah zalen a remti bawk a, United states-in a hrekna pawh chu a rang thei ang bera hlih an phut thu an tarlang a ni.

Inremna an siamah hian oil leh eitur, damdawi leh thildang nitin mamawhte chu United Nations enpuina hnuaia lakluh dan tur program kalpui an remti. Venezuala buaina inbiakna hmang chauh lo chuan chinfel theih a ni lo tih an tarlang bawk. 

Venezuala hian kumin kumtir te aṭang khan tual­chhung buaina hi an hmachhawn tawh a, presi­dent Nicolas Maduro a term hnihna atana thlan nawn leh a nih khan eptu pawl Juan Guaido kaihhruaite chuan pawm loin, Guaido hi interim president-ah a inouang zui a ni. Hei hi US leh ram tam tak chuan pawm zawkin Maduro hi an thlawp lo a ni.