Vietnam EEZ-ah China lawng hmuh leh a ni

Kumin chhunga a vawithum nan China chu Vietnam Exclusive Economic Zone (EEZ)-ah a lut lui leh.

Vietnam sorkar chuan September 7 khan Chinese coast guard-te venna hnuaiah China lawng chu Vietnam ram chinah a luh thu an tarlang.

July 3 khan Chinese coast guard-te venna hnuaiah tho, China lawng Hauyang Dihi Bahao chu Vietnam khawpui Hanoi (EEZ)-ah a lut a, August 7 khan a chhuahsan leh a ni. August 13 khan China lawng hi Vietnam-ah a luh leh thu sawi a ni bawk.

Hanoi-a China lawng ṭum hnih lut hi ONGC Videsh Ltd's block bula hmuh an ni a, July 3-a a luh khan ONGC block a hnaih hle nia sawi a ni. September 7-a lut hi Vietnam mainland-ah hmuh a ni thung.

EEZ chungchangah Vietnam leh China hian ṭum 40 vel inbiakna an nei tawh a, mahse an inbiakna hian nghawng a nei lian lo hle. Vietnam Exclusive Economic Zone (EEZ)-a China lawng a lut leh tih hi India, US, France, UK, Germany, Japan, Aus­tralia, Malaysia, EU, leh ASEAN-ten an hriat hian an hlauthawng hle a ni.

Kum 2011 khan China hian Vietnam nena an inkungkaihna tam tak a titawp a, 2014 khan Vietnam-ah drilling platform chu China hian a nei a, mahse a hnuah a titawp zui bawk. China hi Vietnam Exclusive Eco­nomic Zone (EEZ)-ah hian a huangtau hle.

India Ministry of External Affairs thupuangtu Raveesh Kumar chuan, "South China Sea hi ram hrang hrangte hman mek a ni a, tuia insumdawn tawnna ṭha kan neih theih nan, United Nations Conven­tion on the Law of the Sea (UNCLOS) hnuaiah khawvel tuite hi dan hmanga ramri kham a ni. Midangte tihlauthawng loa, dan chu kan inzahsak tawn zawk tur a ni," tiin Vietnam thlavang a hauh.