Donald Trump-a'n India leh Pakistan Prime Minister hmu dawn

US president Donald Trump chuan tunhnaia Kashmir chungchang avanga boruak ṭha lo tak nei chho mek, India leh Pakistan prime minister-te chu a hmu dawn tih a sawi. Ram pahnihte inepna boruak pawh a ziaawm chho zel tih a sawi bawk. 

President Trump hi India prime minister Narendra Modi nen September 22 hian Houston-a 'Howd Modi!' event buatsaihah an inlan dawn tih tihchian a ni tawh bawk. Hemi rual hian Pakistan PM Imran Khan a hmuh hun tur erawh a la sawilang lo. 

Thawhṭannia White House-a chanchinbu miten an kawmnaah, Trump chuan PM Modi nena an inhmuh hun tur hi a sawi a, Pakistan PM erawh chu tun thla tawp lama New York-a UN General Assembly Session neih kar lakah a hmuh theih rin a ni thung. 

'Howdy Modi!' event buatsaih turah hian Indian-American 50,000 chuang zet an punkhawm rin a ni a, he hun hman zawhah hian Trump hi Ohio-a kalin, heta ṭang hian UN Assembly Session hmang turin New York a pan nghal ang.