November 10-ah Spain inthlang dawn
Spain acting prime minister Pedro Sanchez chuan Thawhlehni khan November 10-ah an ramin inthlan an hmachhawn dawn thu news conference neihnaah a sawi.
Kum 4 chhungin Spain ram hian inthlan vawi li an hmachhawnna tur a ni a, kumin April 28-a Spain inthlanna neih ah khan Pedro Sanchez-a pawl, Spanish Socialist Workers' Party chuan hnehna an chang a, mahse sorkarna chelh tura seat 350 awmah 176 seat an hmuh phak loh vangin, Sanchez hi September 23 thleng coalition government siam thei tura hun pek a ni.
Sanchez hian thawhdun puiah Podemos party, conservative People's Party (PP) leh centre-right Ciudadanos party-te chu sawm tawh mah se, heng party te hian an lo hnawl a ni. September 23-a Spain parliament Cortes Generales ah Pedro Sanchez leh a party te hi fiah a ni dawn a, fiahna an paltlang zawh loh chuan kumin November 10-ah inthlanna neih leh a ni ang.
Kum 2015 aṭang khan Spain ramah hian politics lama buaina hi a awm chho neuh neuh a, Spain hmarchhak khua Catalonia ho pawh Spain ram aṭang inlak hran tum in buaina nasa zawk a chhuah phah tawh a, unemployment rate sangte, hlawh hniamte leh hna vangin Spain hian harsatna hrang hrang an tawk a ni.