Indonesia ram kangin boruak chhia thlen

Indonesia president Joko Widodo chuan ram kang a tlawhnaah, an ramah ram kangin boruak ṭha lo a thlen mek thu a sawi.

Ram kang hi Borneo leh Sumatra island hmuna kang a ni a, he kang aṭang hian boruak ṭha lo chu hmun dangah darhin, Malaysia leh Singapore-ah te pawh ram kang avanga boruak ṭha lo hian harsatna a thlen a ni.

Borneo island ramri hrulah hian Malaysia leh Brunei ramte an awm a, heng lai hmunah hian boruak chhia a nasat thu environment ministry-in an data-ah an tarlang. Malaysia khuaa Sarawak hmunah chuan school-te pawh khar a nih bakah Indonesia-ah pawh school 100 chuang khar a ni bawk.

Singapore National Environment Agency forecast chuan darkar 24 chhung­in boruak chhia hi a nasat dawn thu leh, mihring tan a hlauhawm thu an puang. Sumatra island-a Riau province-ah hian sipai 6,000 chu kang ṭhelh tura tirh an nih thu Widodo chuan a sawi.

Kumin hian khua a khen nasat avangin Indonesia-ah hian loneituten harsatna an tawk mek a, ramkang thleng leh hian an harsatna pawh a belhchhah hle a ni.