US National Security Adviser thar Robert O'Brien

US president Donald Trump chuan US hostage negotiator, Robert O'Brien chu National Security Adviser atan a ruat a, kar hmasaa a ban tak John Bolton a thlak dawn a ni. 

Robert O'Brien hi president Trump-a hnuaia NSA atana ruat palina a ni. Attorney niin, kum 2018 May thla aṭang khan US Department of State-ah Trump special envoy for hostage affairs-in a awm a, Republican foreign policy lamah hun rei tak a lo awm tawh bawk. 

Trump chuan Robert nen chuan hun rei tak lo thawkdun tawh an nih thu leh, thawkrim tak a nih thu a sawi a, hna ṭha tak a thawh  ngei a beisei thu a sawi. President Trump hian Bolton hi North Korea, Iran, Afghanistan, Russia leh Venezuela kaihhnawih foreign policy chugnchangah ngaihdan in ang lo an neih avangin kar hmasa khan NSA a nihna aṭangin a ban a ni.