Turkey-ah lirnghing vangin mi pariat thi

Turkey khawchhak lam, Iran ramri bulah nimin khan magnitude 5.7-a nain lir a nghing a, lirnghingin chhiatna a thlenah mi pariat an thi a, mi dang 25 in hliam an tuar bawk. 

Turkey interior minis­ter Suleyman Soylu chuan thi zinga pathum chu naupang an nih thu a sawi a, lirnghing vanga in chim hnuaiah mi ṭhenkhat an tang a, heng mite chhanchhuah hna hi thawh mek a nih tih a sawi. 

Lir nghin ṭanna hi Iran ramri bul, ram pahnihte inrina aṭanga km 10 vela hla, km ruk-a thukah a ni. An ram huna zing lam dar 9:23 ah a nghing a ni.