Feb 29-ah US-Taliban inremna ziah beisei
US Secretary of State Mike Pompeo chuan February 29 hian US leh Afghanistan-a Taliban firfiak pawl chuan inremna an ziah beisei a nih thu a sawi.
US leh Taliban-te hi Afghanistan-a indona tihtawp a nih theih dan kawng zawngin hun rei tak an lo inbe tawh a ni. An inbiaknaah hian Afghanistan-a US leh a thurualpui sipai dah zat tihtlem a, Afghanistan leilung chu eng firfiak pawl mahin US leh a thawhpuite beihna hman a nih lohna tura hma lakte a tel.
Inremna kawng zawnga inbiaknaa US palaite chuan, Taliban-te hian tharum thawhna thlen hi la titawp vek lo mah se, tunhnaiah Afghanistan ram pum huapin firfiak pawlte pawikhawihna thlen hi a tlahniam hle tih an sawi. Hei vang hian US-Taliban inremna ziah tur hi an tihfel theih ngei an beisei a ni.