Myanmar: Ramdang nena inzawmna neiten sorkar hna sang an chelh theih lohna bill pulut

Myanmar rama sipai MP-te chuan Myanmar khua leh tui, ram dang mi nena inzawmna neiten an ram sorkara dinhmun sang an chelh theih lohna tur bill chu Parliament-ah an pu lut. 

Sipai MP-te thiltih hi Aung San Suu Kyi an ram president a nih theih lohna tura an hmalakna pakhat nia ngaih a ni. Myanmar ram danpui hman mek hi kum 2008-a sipai sorkar laia siam a ni. Constitution Article 59(f) hnuaiah Aung San Su Kyi hi a pasal, British mi nen fa an neih avangin an party National League for Democracy (NLD)-in sorkarna siam mah se president-ah dah theih a ni lo. Hei vang hian state councilor leh foreign minister-ah dah a ni ta thung a ni. 

NLD chuan an ram danpui hman mek hi siamṭhat an rawt a, Parliament-a sipai MP-te bill putluh pawh hi an dodal bawk.