Khawtlang ramte Syria raltlante hruaikirnaa pui lohah puh

Syria president Bashar al-Assad chuan an ram mi raltlante chu khawthlang ramten, an rama an haw leh theih nana ṭanpui tawk lohah a puh.

Pathianni khan an ram khawpui Da­mascus-ah Italian lawmaker, politician leh Senator Paolo Romani hoin, Assad hian meeting a neih pui a ni. Kalkawmte hmaah Assad chuan an ram mi hmundanga raltlante hruaikir kawnga a tak taka khawthlang ramte'n an puih loh thu a sawi.

Meeting-ah hian Italy palaite chuan, "Khaw­thlang ram hian policy hrang ṭheuh Syria ram tan hian ka nei a, thu thehdarhtute'n news dik lo an thehdarh ṭhin avangin Syria ram chu kan pui tawk loah an sawi fo ṭhin, " an ti ve thung. 

"A bik takin US leh Turkey-te hian firfiak ho nuaibo kawngah hma an la tawk lo a ni. Syria raltlante hruaikir tumna kawngah pawh hian heng ram pahnihte hian hma an la tawk lo a ni," tiin Assad chuan na takin a sawi.