UK eptu party-in Kashmir resolution pass

United Kingdom (UK) a eptu party, Labour Party chuan Nilaini khan Kashmir chungchangah resolution pass-in, an party hruaitu Jeremy Corbyn chu Kashmir dinhmun enfiah tura international observer-te tirh an nih theihna tura nawr turin an ngen. 

Labour Party hian Brighton-a annual party conference an neihnah Kashmir chungchang hi sawihoin; Leyton and Wanstead leh Nottingham East Constituency Labour Party wings ten resolution hi an put lut a ni. Resolution-ah hian Kashmir chu rambuaia pawm a, Kashmir miputie chu UN resolution-a sawi anga an dikna chanvo te pek an ni ngei tur a ni,  tiin an tarlang. Member-te chuan an sawiho hnuah he resolution hi lungrual takin an pawm zui ta a ni. 

UK eptu party thiltih dan hi India aiawhte chuan sawisel nghalin, thil an hriatchian tawk loh vang niin an sawi. 

Hetihlai hian Britian sorkar chuan Kashmir buaina chungchang hi inrawlh a tum lo tih sawiin, India leh Pakistan inkar thil a ni, a ti thung.