Australia ram kang: Mi sang chuang chenna in chhuahsan turin ti

Australia khawthlang lama ram kang chuan ziaawm lam a pan hleithei lo a, nimin thleng khan ram acre 22,240 kang chhe tawhin chenna in 71 a kang chhe tawh niin thuneitu lam chuan an sawi.

Nimin khan thuneitu lam chuan Perth provincial capital-a cheng mi sang chuang chu an chenna in chhuahsana hmun him lam pan turin an ti a, thli a tleh tel avangin ram kang hi a zual an hlau a ni. Perth-ah hian thla 10 dawn hnuah a vawi khatna atan coro­navirus kai an hmuh chhuah avangin lockdown an kalpui mek a, mahse mahni ina tawm tura thuchhuah awm chu zawm rih loa hmun him lam pan turin an inti ta zawk a ni.

State premier Mark McGowan chuan ram kang chu awlsam takin nasa zawkin a kang thei tih an hriat thu sawiin mithiamte chuan thli chak tak a tleh dawn niin an hria a, chu vang chuan in chenna in tunah in chhuahsan nghal thei a nih chuan chhuahsan nghal rawh u. In nunna chhan turin che chhuak rawh u, tiin thuthar theh­darhtute'n an kawmnaah a sawi.