Iraq-in Baghdad bulah IS hruaitu an that

Iraq prime minister Mustafa al-Kadhimi chuan Thawhlehni khan firfiak pawl Islamic State (IS) group hruaitu hlun tak pakhat chu an ram khawpui Baghdad bulah an that tih a puang.

Iraq sipai commander-in-chief al-Kadhimi chuan twitter-ah hemi chungchang hi puang ve bawkin beihpui an thlaknaah Iraq chhim lama IS hotu Abu Hassan al-Ghreibawi leh an ramchhunga IS chetvelnaa hmalatu Ghanim Sabah-te chu an that tih a tarlang.

Commander-in-chief thu­puangtu Yahia Rasoul chuan thuchhuah siamin US kaihhruai ṭangrual sipaite chuan thlawh­theihna hmangin Iraqi intelli­gence report an dawn bawhzuiin beihpui an thlak tih a tarlang a, Baghdah khawthlang lam km 20 vela awm IS bihrukna Abu Ghraib area chu an bei a ni.

Al-Ghreibawi hi January 21-a Baghdad-a thihchilh bomb pahnih puakah khan a inhnamhnawih nia sawi a ni a, Sabah hi khang thihchilh bomb tipuaktute veivahna ngaihtuahtu kha a ni bawk. Rasoul chuan heng hruaitu pahnihte bakah hian IS firfiak dang pahnih an thah tel thu a sawi a ni.