NKorea-in ballistic missile pahnih kapchhuak

North Korea chuan kar khat chhunga a ṭum hnihna atan nimin zingah khan Wonsan area aṭangin short-range ballistic missile pahnih a kapchhuak leh tih South Korea chuan a sawi.

June thlaa US president Donald Trump leh  North Korean leader Kim Jong-un-ten meeting an neih hnua a ṭum khatna atan kar liam ta Ningani khan NKorea hian missile an lo kapchhuak tawh a, Seoul an vauna a nih thu an tarlang zui a ni .

Nimina missile an kahchhuah chhin hi km 250-a hla, Japan tuipuiah tlain km 30-a sang a tlak hma hian a thlawk tih South Korea Joint Chiefs of Staff (JCS) chuan a sawi.

SKorea defence minister Jeong Kyeong-doo chuan missile chu ṭum danga mi nen a inang lo deuh tih a sawi ve bawk.