Venezuela politics buaina chungchanga inbiakna nei leh dawn

Venezuela opposition leader aiawh Carlos Vecchio chuan an ram politics buaina chungchanga inbiakna chu tunkar chhungin chhunzawm leh a ni dawn tih a sawi.

Carlos Vecchio hi eptu pawl hruaitu Juan Guaido aiawha inbiakna kalpuitu a ni a, inbiakna neihna hmun tur leh hun tur erawh a sawi lang lo thung. Washington DC-a thu a sawinaah Vecchio chuan president Nicolas Maduro aiawh nen tunkar chhung hian inbiakna an nei leh tawh dawn tih hi a sawi.

Venezuala eptu pawl hruaitu Juan Guaido hian President thlanna an neih chu dik tawk loah ngaiin, inthlan huaihawt ṭhat leh a ngiat a ni. Hemi hnu hian interim president-ah a inpuang zui a, hei hi US leh ram ṭhenkhat chuan an pawmpui thu an puang bawk. Hemi a nih avang hian tualchhung politics buaina a nasa hle a ni.