WHO team-in Wuhan lab an tlawh

Covid-19 hri lo chhuah dan leh mihringa a darh chhoh dan zirchiang tura China rama cham mek, World Health Organisation (WHO) expert team chuan nimin khan Wuhan khawpuia virus research laboratory an tlawh a, he hmuna thawk virologist Dr Shi Zhengli an kawm nghal bawk. 

Expert team  hian uluk taka ven, Wuhan Institute of Virology-ah hian darkar thum leh a chanve vel hun an hmang a ni. He hmun hi coronavirus sample zirchianna hmun a ni a, ram hrang hranga scientist-te chuan he lab-a sample enfiahte result kimchangte chu puangzar turin China hi an lo phut fo tawh a ni. 

WHO team hi Wuhan an thlen hnuah kar hnih chhung khung hran an ni a, quarantine hun hmang zo tawhin field work an nei mek a ni. A hmain Covid-19 hri kai hmasa lo enkawlna hospital bakah wet market pawh an lo tlawh tawh bawk.