Ebola vangin Rwanda-in DR Congo nena an inrina khar

Democratic Republic of the Congo ram chhak lam Goma-a Ebola vei an pun zel avangin Rwanda chuan Congo nena an inrina a khar.

Rwanda leh Congo inrina bul, Goma-ah hian tunhnaiah khan Ebola vang hian mi pahnih an thi a, hemi a nih avangin Rwanda chuan fimkhur thuhlaah ramri hi an khar ta a ni.

Nimin zing aṭang khan ramri hi khar a ni a, DR Congo official-te pawhin hei hi an puang chiang tawh bawk.

DR Congo-ah hian Ebola virus hi a darh nasa hle a, kum khat chhungin mi 1,800 an thih tawh bakah a vei mi 2,700 report an awm tawh. Hei hi Ebola darh nasat ber ṭum nia chhut a ni hial.

Ebola hian province pahnih leh North Kivu leh Ituri-te chu a nghawng nasa hle a, Goma pawh hi North Kivu khawpui a ni a, Rwanda-a Gisenyi khawpui nen a inhnaih hle.