US-in Iran Foreign Minister a hrek
US Department of Treasury chuan Iran foreign minister Mohammad Javad Zarif a hrek thu a puang.
Treasury department chuan Zarif hi US-a a thil neihte khawih chet a phalsak lo tih an puang a, hetihlai hian Zarif chuan US-in a hrek chhan chu an hmalakna tur daltu nia an hriat vang tih a sawi a ni.
2015 Iran nuclear deal aṭanga US nikuma a inhnuhdawh aṭang khan US leh Iran inkar boruak hi a chhe hle a, vawi eng emaw zat an invau tawn tawh a ni.
Treasury secretary Steven Mnuchin chuan Javad Zarif hian Iran Supreme Leader (Ayatollah Ali Khamenei) duhdan ṭha lo tak kalpuina turin hma a la a ni tia sawiin, hrek a nih chhan hi a sawi.