NKorea-in short-range projectile kapchhuak

North Korea chuan nimin zing khan short-range projectile pahnih a kapchhuak leh a, hei hi ni riat chhunga missile test a neih vawi thumna a ni. 

South Korea Joint Chiefs of Staff (JCS) chuan short-range pro­jectile pahnihte hi NKorea khaw­chhak lam tuipui kam aṭangin kahchhuah a ni a, tuipuiah an tla tih a sawi. Projectile hi ballistic missile nge, rocket artillery tih zawk hriat­chian a ni lo tih JCS offi­cial chuan a sawi bawk. 

United Nations reso­lu­tion  hnuaiah North Korea hi ballistic missile a enchhin khap a ni a, mahse tunhnaia a enchhin leh fo avang hian Security Council-a European member-te dem pawh a hlawh hle. NKorea hian July 25 khan ballistic missile pahnih a enchhin a, hemi hnu lawk July 28 khan short-range ballistic missile pahnih a enchhin leh a, hei hi South Korea vauna atan ti a nih thu pawh a sawizui a ni.