UN-in Bangladesh army chhui chian a duh

United Nations chuan Bangladesh army-ah eirukna leh dan kalha thiltih a thleng nia sawi chungchang chu chhui chian a phut tih a sawi. 

Al Jazeera investigative unit-in Bangladesh army chhungah thil dik tawk lo awm a puanzar hnuah UN chuan hemi chungchang hi chhui chian a duh thu a rawn tarlang a ni.  Army chhunga eirukna thlengah hian Bangladesh chief of army staff General Aziz Ahmed pawh a inhnamhnawih nia sawi a ni. Gen Ahmed hi kar leh hian UN official-te hmu turin New York-a zin a lo tum lawk tawh a ni. 

Al Jazeera-in a chhuinaah hian Bangla­desh army hian UN Peacekeeping Misison-a Bangladesh army contingent pakhat hman tura sawiin Israel aṭangin mobile phone surveillance equipment ṭha leh changkang zet a lei a, mahse UN thupuangtu chuan hegtiang hmanrua hi UN peacekeeping operation-a Bangla­desh contingen hnenah pek an ni lo tih a sawi thung. Hei vang hian he thil hi chhui chian ngei a ngai niin a sawi.