Iran-in tanker dang man leh

Iran media-te chuan Iran-in ramdang tanker dang Persian Gulf-ah a man leh tawh tih an tarlang.

Tualchhung media-te chuan Revolutionary Guard Corps' naval force-ten Persian Gulf-ah ramdang tanker dang an man leh tawh tih leh, he tanker hi Arab ram aṭanga tuialhthei tawlhrukna a nih thu an tarlang a ni.

He tanker an man hian tuialhthei litre 7,00,000 zet a phur a, a chhunga chuang sailor pasarih an man tel bawk.

Iran hian British tanker Stena Impero a la hreng mek bawk a, July 13 khan Panama tanker MT Riah chu tuialhthei tawlhrukna atana hman nia sawiin a lo man tawh bawk a ni. US nena an inkar boruak a chhiat hnuah Iran hian tanker man hi a ching thar hlea hriat a ni a, US pawh hian lo sawisel fo tawh a, May leh June thlaa Gulf of Oman-a tanker beihnaah pawh khan Iran hi a inhnamhnawih tih a sawi.