Trump-a sawmna hnawl vangin Iran foreign minister hrek

Iran foreign minister Mohammad Javad Zarif chu US President Donald Trump-an inhmu tura a sawmna a hnawlsak vangin US chuan a hrek zui nghal. 

Senator Rand Paul chuan July 15 khan Zarif hi US-ah hmuin, White House-a meeting nei turin a sawm a ni. Mahse he sawmna hi Zarif chuan a hnawl a, a hnuah US-in a hrekna hi a rawn siam zui ta tih Iran foreign ministry thupuangtu Ali Rabiei chuan a sawi. 

He thil thleng hian a naupan chhiat thlak a tih thu leh, White House thu­tlukna siam danah mimal thil a inrawlh zia a tilang chiang hle a ni, a ti. US chuan kar kal ta Nilaini khan Iran foreign minister hrekna hi a tichhuak a ni. 

Zarif chuan President Trump-a nena an in­hmuh leh hmuh loh tur chungchang chu Iran sorkar thutlukna siam tur a ni tih sawiin, chhungril lama inremna awm si loa thlalak phochhuah mai tur atana meeting neih chu a duh loh thu a sawi.