Hong Kong-a nawrh huaihawtin nunphung tikhaihlak

Hong Kong-ah democracy thlawptu lamin nawrh an huaihawt chhunzawm zel avangin mipui nunphung a khaihlak ṭan tawh hle a, chief executive Carrie Lam-i chuan nawrh huaihawtte chuan kawng hlauhawm lam an zawh mek a ni, a ti. 

Nawrh huaihawt hian rel leh air service pawh a nghawng tawh a, rel kawng an dan avangin rel ṭhenkhat an tlan thei lo a, flight 200 vel cancel a ni bawk. Airport lian bera runway pahnih chauh nimin khan hawn a ni.

Nimina nawrh huaihawt hi mi 14,000 velin an zawm nia sawi a ni. Motor kawngpuite an dang a, hun eng emaw chen chu traffic pawh a buai hman a, mahse thuneitute'n kawngpui dannate hi an thianfai ve leh nghal a ni. 

Carrie Lam chuan nimin zing khan press conference neiin, nawrh huaihawtte chuan Hong Kong chu dinhmun hlauh­awma dah an tum a ni, a ti. Mahse sorkar chu dan leh thupek kengkawh turin khauh takin a che dawn a, mipuiten sorkarah rinna an nghah ngam lehna turin an bei dawn tih a sawi.