Myanmar-ah Suu Kyi thlawptute'n duh lohna an lantir zel

Myanmar-ah chuan a ni hnihna atan nimin khan sorkarna inthlak thut duh loin mi tam takin kawng an zawh leh.

Myanmar khawpui lian ber Yangon-a kawng zawhtute chu 'Sipai rorelna kan duh lo' tia nasa taka an au rual bakah an ram hruaitu sipaiin an man Aung San Suu Kyi chhuah tura an duhna thuziakte an keng a ni. Suu Kyi hi kar hmasa Thawhṭannia Sipaiin rorelna an chhuhsak hnu khan hmuh a la ni leh lo.

Sipaiin sorkarna an chhuahsak hnu lawk khan internet tihtawp ni mah se tunah chuan internet tihtawpna hi thlah dul leh deuh a ni tawh thung. Nimina duh lohna lantirtute hian balloon sente an ken bakah kawr sen leh puanzar sen te an keng a, hei hi  Suu Kyi-i National League for Democracy Party (NLD) colour niin car leh bus-a zuitute chuan aurualte an thlawpna tur hian an motor horn-te an hmet ri ve bawk. Mi tam tak chuan an rama authoritarianism duh lohna lantirna kutzungṭang pathum hmanga salute pekte pawh an ti nasa hle.