Iran FM-in JCPOA-ah US kir leh turin a ti

Iran foreign minister Mohammad Javad Zarif chuan Inrinni khan US sorkar thar lakah chuan an dawhtheihna an hloh ṭan tih sawiin dan loa an ram an hrekna pawhsei chungchang an sawi lang ṭhin chu an duh lo hle tih a sawi.

Mohammad Javad Zarif chuan US chu Donald Trump president laia an ke pen sual tihdikna kawnga hma la muangah a puh a, US sorkar thar chu an hmaa mite policy aṭanga a inla hrang a nih loh chuan US tan a hlauhawm zawk dawn nia sawiin a vau a ni.

Iranian foreign minister chuan Washington chu 2015 Iranian nuclear deal-a kir leh tura tiin kum 2018-a nuclear deal aṭanga an inhnuhdawh vangin Iran pawh an thutiam angin an awm duh bik lo tih a sawi. US a thutiama a din loh avangin Iran pawhin a chhanletna turin a ṭul anga hma a lak ve a ngai a ni, a ti.

2015 Iranian nuclear deal, Joint Comprehensive Plan of Action (JCPOA) tia hriat ni bawkah chuan US chu a kir leh chuan Iran pawhin nuclear chungchanga a hmalakna chu a titawp ve nghal dawn niin a sawi a ni.