Hong Kong-ah lawyer-ten kawng zawh

Hong Kong lawyer-te chuan an sorkarin mahnia inrelbawlna tura thuneihna a neihte humhalh zel an duh zia lantirin nimin khan ngawi renga kawngzawh an huaihawt a, tel an ṭhahnem hle. 

Lawyer leh anmahni thlawptute hi thawmhnaw duma inthuamin, Court of Fina Appeal aṭangin Justice Place thleng kawng an zawh. Hong Kong legislator Martin Lee chuan dan vawnghim tura che chhuak an nih thu a sawi a, Carrie Lam kaihhruai Hong Kong sorkar chu nawrh hawihawttute chunga tharum thawhna thlentute a umzui loh avanga a dem thu a sawi. 

Hong Kong lawyer-te chuan tunhnaia nawrh huaihawtnaa mawhphurtua puh mi 44-te kum 10 thleng tan theihna tur thubuai siamsak an nih chungchangah, Department of Justice rorel danah politics a inrawlh nia an ngaih thu an sawi. Kar hmasa khan government prosecutor ṭhenkhat chuan Justice Chief Teresa Cheng chu open letter thawnin, dan inkaihhruaina aia politics dah chungnungah an lo puh tawh bawk.