Zimbabwe-ah eitur kham khawp hmu lo tam : UN

Zimbabwe ram mipui hmun thuma ṭhena hmun khat, mi maktaduai nga vel zet chuan tui in tur leh ei leh in an tlachham tih UN chuan a tarlang.

Hemi a nih avang hian World Food Programme (WFP) chuan Zimbabwe tan hian $mtd. 331 an dilsak mek a, khawkheng, cyclone leh economic lama harsatna an tawh nasat avangin ram pumin harsatna an tawk nasa hle a ni.

WFP head David Beasley chuan mi tam tak chu rilṭamin an awm mek tih a sawi.

Thlai tharchhuah hunlaiin Zimbabwe hian khawkheng nasa tak an tawk a, ei leh in man pawh a sang chho hle. Tui tlem hian Kariba-a hydro-electric plant an chhawr ber pawh nasa takin a nghawng a, rampumin power lamah harsatna an tawk zui bawk.

Sum leh pai lamah pawh harsatna an tawk nasa hle a, Zimbabwe dollar pawhin a hlutna a hloh nasa hle a ni.