Sri Lanka-ah coloured water bottle hman khap

Sri Lanka Minister of Mahaweli Development and Environment, Ajith Mannapperuma chuan an ram sorkarin blue-coloured plastic water bottle leh plastic tuamna a ṭhat loh thu an dawn avangin, a siamtute chu siam chhunzawm tawh lo tura tih an nih thu a sawi.

Environment chhe tur ven nan coloured plastic water bottle mai bakah plastic hmanga thil tuamna hrim hrim pawh an khap dawn thu, official-te chuan Thawhlehni khan an sawi a ni.

"Heng 'coloured plastic bottle' leh 'plastic tuamna'-te hi hman zawh a nih hnuah environment tan thil ṭangkai lo a ni tawh ṭhin a, a ṭawihralna atan hian kum 200-300 inkar a duh ṭhin a ni. Tui bottle rawng nei hian customer-te a hip bik riau ṭhin a, mahse tui bottle rawng nei hi a hmannawn leh theih tawh loh avangin tui bottle rawng nei lo chauh siam chhuak turin kan inhriattir a ni," tiin Minister chuan a sawi. Sorkar chuan thla lehah tui bottle rawng nei lo recycle-na tur project thar a siam dawn tih a sawi bawk.