Yeman-ah inbeihna a thleng

Yemen ram chhim lam, Aden khuaah Nilaini khan presidential guard te leh mitthi vuitute inkarah buaina a thleng a, mi pahnih an thi a, mi dang 10 an hliam bawk. 

Yemen sorkar laka hel, Houthi pawlten kar hmasa khan ballistic missile hmangin Aden khaw thlang lam, Buraiga district-a Jalaa military base an bei a, sipai commander leh a hote eng emaw zat an thi. Helho beihnaa thi te sunna hun hi Nilaini khan hman a ni. 

Mitthi vuinaa telte hian vui zawh hnuah sorkar laka lungawi lohna thu te aupuiin, Aden-a president palace lam panin kawng an zawh zui nghal a ni. Mahse presidential guard-te chuan kawngah lo dangin, an intibuai zui a ni. Buaina a chhuah hnu hian mitthi vuitute vengtu, Southern Tran­sitional Coun­cil (STC) pawh inrawlhin, pre­sident guard-te chu silai nen an rawn bei zui ve nghal a ni.

Houthi hel­te hian Yemen khaw hrang hrangah thuneihna an la nual tawh a. Northern province leh Yemen khawpui Sanaa pawh an kutah a awm tawh a ni.