Cambodia leh Sri Lanka te'n MoU ziak
Cambodia leh Sri Lanka chuan politics, sumdawnna leh investment lama an thawhdunna tur memorandum of understanding (MoU) pahnih chu Ningani khan an ziak tih Cambodian senior official chuan a sawi.
Sri Lanka president Maithripala Sirisena chuan Cambodian prime minister Hun Sen chu a office, Peace Palace-ah hmuin ram pahnihte thawhdunna thuthlung hi an ziak dun a ni, tiin Hun Sen personal assistant Eang Sophalleth chuan a sawi a ni.
He inremna thuthlung an ziahah hian zirna te, hnam zia te, tourism te, insumdawn tawnna te leh thlawhtheihna hmanga inkal pawhna turte pawh a tel thu Sophalleth chuan a sawi bawk. Cambodian Ministry of Commerce chuan an report-a an tarlan danin, Cambodia leh Sri Lanka insumdawn tawnna hi a tlahniam a, an trade value pawh nikum khan U.S. dollar mtd 3.9 a nih thu an tarlang bawk.
Kumin kum chanve thleng khan Sri Lanka mi 2,079 chu Combodia-ah hian an zin thu Cambodian Ministry of Tourism data chuan a tarlang a ni. Hei hi nikum nena khaikhin chuan 21%- in a tlem. Sri Lanka president Sirisena chuan Cambodia Lal Norodom Sihamoni sawmna ngai pawimawhin, Nilaini khan Combodia khawpui Phnom Penh hi a pan a, ni li chhung a cham ang.