Pakistan Foreign Minister-in China a tlawh

Pakistan foreign minister Shah Mahmood Qureshi chu nimin khan China-ah a zin. China ram hruaitute kawmin, India sorkarin Jammu and Kashmir special status pekna a tihtawp avanga Pakistan leh India inkar boruak ṭhat loh chhoh dante a sawipui. 

China pana a chhuah hmaa chanchinthar lakhawmtute a kawmnaah, Qureshi chuan India sorkar thiltih dan chu a dem thu a sawi a, J&K biala muanna boruak tihchhiat tumah a puh. China chu Pakistan ram ṭhianṭha tak a nih thu pawh a sawi a, "Pakistan ṭhian neihchhun a ni ringawt lo a, a chhehvel bial tana ram pawimawh tak a ni," tiin China chungchang a sawi. China ram hruaitute hnenah India sorkar thiltih dan dik lo takte chu hrilhin, Kashmir-a mihring dikna chanvo nasa taka palzut a nih dante pawh a sawipui tur thu a sawi. 

Qureshi chuan J&K chunga India sorkar chetdan chu United Nations Security Council hnenah pawh an thlen ngei dawn tih a sawi. J&K special status tihtawp a nih hnua sipai tam tham tak tirhluh a nih chungchang pawh zawtin, India sorkar chuan mipuite ṭhatna turin hma a la nia insawi chungin J&K chu jail ang maia chantirah a puh.