ADB-in Pakistan loan agreement ziak

Asian Development Bank (ADB) chuan Pakistan hnenah loan, USD mtd 500 pekna tur inremna a ziak. He loan pek tur hi Pakistan-in sumdawnna kawnga ramdangte an phak ve theihna tur leh, an ram aṭanga bungraw thawn chhuah tam tak an neih ve theih nana tih a ni.

Inremna hi Pakistan Economic Affairs Divi­sion Secretary Noor Ahmed leh ADB Country Director Xiaohong Yang-ten Nilaini khan an ziak. Sumdawnna hi Pakistan 'pillar' pawimawh tak a ni a, economic ngialnghet leh economic ṭhanna atan sumdawnna kawnga hmalak hi a pawi­mawh a ni, tiin ADB Direc­tor General for Central and West Asia Werner Liepach chuan a sawi.

Manila-based ADB pawhin Pakistan-in sum­dawnna kawng hrang hranga an hmalak tumnaa an puihna atan USD nuai 750,000 loan-in an pe bawk ang. Kumin July thla tir khan economic-a Pakistan an hnufual bik loh nan International Monetary Fund (IMF) chuan Pa­kistan hnenah loan, USD tld 6 pekna tur chu a lo pawm tawh bawk.