Hong Kong-ah ni thum nawrh huaihawt ṭan

Hong Kong-a nawrh huaihawtte chuan ramdang aṭanga an ram tlawh tura zinten an duh lohna lantir chungchanga awareness an neih theihna turin nimin aṭang khan ni thum chhung nawrh huaihawt an tum chu an ṭan.

Hong Kong airport-ah duh lohna lantir hi an ṭan a, nawrh huaihawtte hi thawmhnaw duma inthuamin arrival hall-ah an ṭhu a, thuziakte an keng bawk.

Extradition bill duh lohna lantir a nih aṭang khan Hong Kong-ah hian kartin nawrh huaihawt an la awm a, China pawhin a lo vau tawh hial a ni. Nawrh huaihawtte hian thiam loh chantirte mainland China-a thawnna tur Extradition bill duh lohna lantirin bul an ṭan a, an ram hotu Carrie Lam pawh bang tura nasa taka nawr a ni. 

Carri Lam hian Extradition bill hi sut a nih thu a sawi hnu pawhin nawrh hi huaihawt chhunzawm a la ni zel a, Carrie Lam leh police-te chetdan demna thuziakte kengin lungawi lohna lantir chhunzawm reng a ni.