Yemen inlak hran duh pawlten Aden la

United Arab Emirates (UAE)-in an thlawp Yemen-a inlak hran duh pawl Southern Transitional Council (STC)-te chuan Aden khawpui Yemen chu sorkar lak aṭangin an la.

Ni eng emaw zat Aden-ah hian an inbeih hnuah Yemen sorkar lak aṭang hian STC hian Aden hi an chhuhsak ta a, military camp leh presidential palace-te chu an thuneihna hnuaiah a awm tawh tih an sawi.

Hetihlai hian Saudi kaihhruai ṭang­rual pawlte chuan Aden-a STC lakah hian beihpui an thlak ve bawk a, thlawhtheihna hmangin an bei a ni. Ṭangrual pawlte hian STC-te chu Aden aṭang hian inhnukdawk turin an vau a, a nih loh chuan na zawka an beihlet tur thu an sawi bawk. 

STC hian Yemen chhim lama inde­pendent state siam an ngiat a ni.