Israel PM leh Chad President-ten inremna ziak

Israel Prime Minister Benjamin Netanyahu leh Chad President Idriss Deby chuan ram pahnihte thawhdunna turin inremna an ziak. 

Benjamin Netanyahu hian Pathianni khan Chad hi lehlangin a tlawh a, Chad khawpui Ndjamena-a Presidential palace-ah Chad Presient nen hian inkawmin inremna hi an ziak nghal a ni. Inremna an ziah hi ram pahnihten palai an intirh tawnna tur bakah, thawhdunna tur hrang hrangte a ni.  Inremna an ziah hnuah hruaitu pahnihte hian joint press conference an nei zui nghal a ni. Nikum November thla khan President Deby hian Israel a lo tlawh tawh bawk. 

Israel hian tunhnaiah Africa ramte nena inzawmna ṭha zawk siam tumin hma a la chho mek a ni. Netanyahu hian Ethiopia, Uganda, Kenya leh Rwanda ramte a tlawh tawh bawk a, kum 2017 khan Liberia rama West African regional group meeting pawh a lo hmanpui tawh a ni. 

Chad hi Muslim ram niin, kum 1972 khan Israel nena an inzawmna hi a lo chhu chat tawh a ni.