Israel-in Syria-a Iran sipai hmun bei

Israel Defence Force (IDF) chuan Syria rama Iranian Revolution Guard-te hmun chu missile hmangin an kap. 

IDF chuan Syrian ram chhunga Iran sipaite hmun chu an bei tih sawiin, Syria Armed Forces-te pawh Israel sipai leh an ram tihchhiat tuma che lo turin an vau nghal tih a sawi. 

Hetihlai hian Syria state news agency, Sana chuan Israel missile kahchhuah tam zawk hi air defence hmanga lo kahthlak sak an ni tih a tarlang. 

UK-based Syrian Observatory for Human Rights (SOHR) chuan Israel rocket kahchhuahin Damascus-a ram ruakte a fuh tih sawiin, Israel missile hian Iran sipaite post leh ralthuam dahna bakah, Iran thlawp Hezbollah helpawl hmunte a fuh tih a sawi. Israel sipaite beihpui thlaknaah hian thi an awm tih a sawi bawk a, mahse thi zat erawh a tarlang lo. 

Israel chuan Syria aṭanga rocket hmanga Golan Heights hmarlam beih a nih avanga an chhan letna a nih thu sawiin, Goland Heights beihna atana rocket kahchhuah hi Iron Dome Aeriel Defence System chuan a lo kapthla tih a sawi.