US-in China bungruaa chhiah tihsan tur tikhawtlai
US chuan thuchhuah siamin China bungraw ṭhenkhata chhiah lak a tihsan tur chu hriselna, himna, national security leh thildang vangin December 15 thleng atan a tikhawtlai rih dawn tih a tarlang.
China bungrua chhiah lak tihsan tur tihkhawtlai zingah hian mobile phone, laptop, video game console, toy, computer monitor leh thawmhnawte a tel a ni. United States Trade Representative office-in hetiang thuchhuah a siam hian mak tih a hlawh hle.
Hetihlai hian bungraw ṭhenkhata chhiah lak 10%-a tihsan tura an ruahman lawk, September 1 aṭanga kalpui ṭan tura an tihte erawh chu an kal tlangpui dawn thung. US president Donald Trump chuan chhiah lak tihsan hun tur tihkhawtlai a nih chhan hi Krismas hunlaia US shopper-ten harsatna an tawh tur pumpelhna atana ti an nih thu a sawi a ni.
China Ministry of Commerce-in Vice Premier Liu He leh US trade official-ten phone call hmanga inbiakna an neih hnu lawkah USTR hian thuchhuah hi an siam nia tarlan a ni bawk.