China-a Typhoon Lekima tuarte ṭanpui turin UN a inpeih
United Nations chuan Thawhlehni khan thuchhuah siamin, China-a Typhoon Lekima tuarte chu ṭanpui turin an inpeih tih an tarlang.
UN chuan China sorkarin chhiat tawkte chhanchhuah hna leh chin hriat loha awmte zawn hna an kalpui mek thu tarlangin, ngenna an dawng a nih phawt chuan ṭanpui an inpeih reng tih an tarlang a ni.
Office for the Coordination of Humanitarian Affairs (OCHA) chuan August 10 khan Tropical Cyclone Lekima chuan China Zhejiang Province-a Wenling chu a nuai a, hemi hnu hian Shandong Province-a Qingdao a nuai leh bawk tih an tarlang bawk.
China Ministry of Emergency Management chuan Typhoon Lekima chu kumina cyclone na ber a ni tih an sawi. Mi 48-in nunna an chan bakah Zhejiang, Shandong leh Anhui-ah mi 21 chu chin hriat lohin an la awm mek. Zhejiang province-ah hian mi 39 zetin an thih phah a, an tuar nasa ber bawk a ni.