Brazil-ah zirtirtu leh zirlai te'n nawrh an huaihawt

Brazil sorkarin edu­cation budget a tihtlem avanga lungawi loin, Sao Paulo leh Rio de Janeiro khuaah zirtirtu leh zirlai te'n nawrh an huaihawt. 

July thla khan sorkar chuan education budget hi a tihniam a, hemi hma hian Education Ministry chuan university funding chu 30% a tihtlem a nih tur thu leh, master leh doctoral student-te scholarship pawh block sak vek a nih thu a lo sawi tawh a ni. 

Elementary aṭanga higher zirna thlenga Bud­get cut a ni hi nawrh huai­hawttute chuan an duh lo hle a, sorkarin University ṭhenkhatte privatise a tum chu an duh lo bawk. Nawrh huaihawttute hian inauh elna leh banner-te kengin, an ram president Jair Bolsonaro chu education hmelma a nih thute an ziak a, kawng zawhnaah hian tel ve a, Education Budget cut chu do ve tura sawmin, sorkar chu an au el a ni.