China mite sum lakluh pung

Chinese National Bureau of Statistics (NBS)-in kar kal taa data a tihchhuahah, China mite disposable income chu kum 70 chhungin a pung hnem hle. 

Disposable income hi income tax pek tawh hnua sum hman tur leh khawl tur la neih zat sawina a ni. Kum 1949 khan China per capita disposable income hi 49.7 yuan a ni a, kum 2018-ah chuan 28,200 yuan a ni thung. Hei hi kum 70 chhungin a let 59-in a tam a ni.

World Bank-in teh­na a siam aṭanga khai­khin chuan, China hian hmasawnna nasa tak nei tawh mah se middle-income group-ah a la awm tho. Mahse hmasawnna an neihna hian nakin zelah higher-income group-a an telve theihna tur atan kawngro a su dawn tho a ni.

Peking University-a Centre for Economic Re­search deputy director Cai Zhizhou chuan, "Kan ramin reform leh policy thar kan neih theih zel chuan kan economy ngial­nghet sa hi kan vawng nung reng thei dawn a ni," a ti. Tunah hian China hi khawvelah Gross Domestic Product per capita ranking-ah 70-na a ni. Kum 2018 khan China GDP per capita chu USD 9,777 a ni a, kum 2001 nena khaikhin chuan a let 10 dawn laiin a tam.