Tunisia president thlan turah candidate 26 awm

Tunisia ram president thlanna neih tura chuh tum zingah candidate 26 pawm an ni tih Independent High Authority for Elections (ISIE) chuan a puang. 

Inthlan hi September 15 hian neih a ni dawn a, inthlana chuh tum hi mi 97 an awm. Mahse ISIE president Nabil Baffoun chuan lehkha thehluhte enfiah a nih hnuin, mi 26 chu candidate atan pawm a ni tih a sawi.

Candidate 26-te zingah hian Tunisia President hlui Mohamed Moncef Marzouki, moderate Isla­mist Ennahda Party-a deputy head Abdelfattah Mourou, Defense Minister hlui Abdelkarim Zbidi leh hmeichhe pahnihte pawh an tel.

Chhan hrang hrang avangin midang pawm ve tak lohte hi hnawl an ni a, document kim lo an submit avang leh financial capability an phak loh avangtea hnawlte pawh an awm a ni. President thlanna neih tur atana candidate turte final list chu August 31-ah ti chhuah a ni ang.