Japan: Thlipui leh ruahsur nasat vangin insawnchhuak turin hriattir
Japan khawthlang lamah thlipui Krosa tleh leh ruahsur nasat avangin nimin khan mi nuai ruk dawn chu hmun him lama insawnchhuak tura hriattir an ni.
Nimin khan hmun ṭhenkhatah chuan ruah nasa takin a sur tawh a, thlawhtheihna leh rel service pawh eng emaw zat cancel a ni. Thuneitute chuan darkar 24 chhungin ruahsur zat hi 1,000 mm a tling thei dawn a, hei vang hian lui eng emaw zat chu a len mai a hlauhthawnawm tih an sawi.
Krosa hi darkar khata km 108-a nain a tleh a, nimina Japan khawthlang lam Hiroshima a thlen chuan a tleh nat lam hi darkar khatah km 144 zet a tling tawh a ni. Japan Meteorological Agency chuan ruahsur nasa leh thli tleh nat avang hian a tlehna biala awmte chu pawn chhuak lo tura an hriattir thu a sawi.
A tul aṭanga hmun him lama insawnchhuak tura hriattir an ni bawk.