February thla tawp lamah Trump-Kim summit nei dawn

US President Donald Trump leh Nort Korea hotu Kim Jong-un te chuan February thla tawp lam hian a ṭum hnihna atan meeting an nei leh dawn niin, White House chuan a sawi. 

President Trump hian an ram tlawha zin, North Korea senior official Kim Yong-chol chu White House-ah a hmu a, an inkawm hnuah ram hruaitu pahnihte summit neih leh hun tur hi puan a ni ta a ni. Kim hian an ram hotu, Kim Jong-un-an President Trump lehkha a thawn pawh a kensak a ni.

White House thu-chhuah chuan President Trump hian Kim nena meeting neih leh tur hi a nghakhlel hle tih a sawi a, summit neih ni tur pawh puanchhuah thuai a nih tur thu a sawi.  

Ram hruaitu pahnihte hi nikum June thla khan Singapore-ah an lo inhmu tawh bawk a ni.